घ . नि , ४ उद्देश:

मराठी भाषा व साहित्य यांच्या सर्वांगीण प्रगतीसाठी व विकासासाठी प्रयत्न करणे , मराठी भाषा व साहित्य यांच्या अभ्यासास उत्तेजन देणे , मराठी वाचकांची वाङ्‌मयीन अभिरुची वृद्धिंगत करणे आणि मराठी साहित्यिकांच्या हितासाठी व कल्याणासाठी झटणे हे परिषदेचे उद्देश आहेत.

​

घ . नि , ८ (अ):

परिषदेचे उद्देश ,घटना व नियम मान्य असलेल्या १८ वर्षांवरील कोणाही व्यक्तीला संस्थेचे सभासद होता येईल.

​

घ . नि , ८ (इ):

सभासदत्वाच्या अर्जावर सूचक आणि अनुमोदक म्हणून परिषदेच्या कोण्त्याही २ (दोन) आजीव सभासदांच्या सह्या असणे आवश्यक आहे.

​

घ . नि , ८ (ए):

अर्ज मिळाल्यापासून एक महिन्यात सभासदत्वाबद्दल अर्जाचा निर्णय अर्जदारास कळविण्यात येईल.

​

घ . नि , ९ हक्क:

सर्व सभासदांना परिषदेचे 'म . सा . पत्रिका' हे त्रैमासिक विनामूल्य पाठविण्यात येईल . पंचवार्षिक निवडणुकीत मतदानाचा किंवा उमेदवार म्हणून उभे राहण्याचा हक्क राहील , अ . भा . म . सा .  महामंडळाच्या संमेलनाचे प्रतिनिधी होता येईल. ग्रंथालयाचा वा परिषदेच्या अतिथीगृहाचा नियमांनुसार लाभ घेता येईल .

​